Hei alle!
Laurdag 2. april er det duka for Game of G.N.A.R i Vassfjellet Vinterpark. Kort fortalt handlar Game of G.N.A.R om å sanke poeng, og unngå minuspoeng, ved å gjere gøyale, kule og kanskje litt flaue ting på ski. Reglane for TF si utgåve av Game of Gnar blir bestemte av oss i konkurransekomiteen. Minnar om at dette er eit arrangement som først og fremst er meint for å vere moro, og det skal vere låg terskel for å bli med.

Arrangementet startar 11.00 i Vassfjellet vinterpark. Ein må kome seg til Vassfjellet sjølv, anten med eigen bil, eller med rutebussen til ATB. Påmeldingsskjema vil bli lagt ut seinare. Det er i utgangspunktet ingen plassbegrensing. Sjølve arrangementet er gratis, men du treng heiskort for dagen.